یہ خوبصورت ڈاڑھی والا (خرم جمال شاہد)

❤یہ خوبصورت ڈاڑھی والا❤
تحریر: مقصود احمد شاہین
لفظوں میں سچائی ہو تو دلائل کی ضرورت نہیں پڑتی۔ بڑے عظیم ہوتے ہیں وہ لوگ جن کا ظاہر و باطن ایک سا ہوتا ہے۔ ہم نہیں کہہ سکتے کہ ایسے لوگ دنیا سے ناپید ہو چکے ہیں بس بات ہے اپنے من کی دیکھیے اس سے کیا دکھتا ہے ۔
کچھ لوگوں کا کمال یہ بھی ہوتا ہے کہ اپنی مختصر سی ملاقات میں وہ تاثر چھوڑ جاتے ہیں کہ ملاقاتی برسوں بھول نہیں سکتے ۔ ایسے ہی ایک آدمی سے میری ملاقات ہوئی جسے ہم حقیقتاً پہلی ملاقات کہہ سکتے ہیں ۔ لیکن یہ بھی نہیں کہ یہ چہرہ ہم سے اجنبی ہو بل کہ یہ گھنی گھنیری اورخوبصورت ڈاڑھی اور اہلکی ااورباریک سی موچھوں اسی طرح کی پتلی پتلی بھنووں والا شخص کہیں بار دو چار گام سے دیکھا۔ بلکہ ایک بار تو موصوف نے چند فٹ کی دوری سے ہمارا نام لے کر مخاطب بھی کیا تھا۔ خیر یہ اس کا ظرف کے اس نے کس چاہت سے ہمیں مخاطب کیا تھا ۔ لیکن ہمیں ظاہری پتلے پتلے نقوش دیکھ کر یہ اندازہ ہر گز نہیں تھا کہ ایسی کمزور جسامت والا من میں کتنے لطیف مزاج رکھتا ہے اور کسی قدر کے میٹھے اور دل موہ لینے والا جذبات رکھتا ہے۔ وہ ارادوں کا کتنا پکا ہے, وہ عہد وفا کرنے کے کتنے عزائم رکھتا ہے۔ وہ تنہا بھی طوفان سے ٹکرانے کی ہمت رکھتا ہے, ان سب احساسات جذبات اور قوی ارادوں کا پتہ کچھ دیر مل بیٹھنے سے ہی چلا ۔
شعبے کے لحاظ سے طالبعلم سیاسی حیثیت سے پارٹی میں    صدرکالیول  سماجی ہمدردیاں دل میں سموئے ہوئے حالات کے ایسے منجدھار میں کھڑا جہاں سے کسی وقت بھی ہوا کا جھونکا قدم لڑکھڑا سکتا ہے لیکن ایسا ممکن نہیں کیوں کہ پختہ عزم کیے ہوئے ناخداوں کے بجائے خدا پر بھروسہ کیے جانب منزل رواں دواں ہے ۔
کیا پرکشش صورت کے ساتھ نیک سیرت پائی کہ پندرہ بیس منٹ کی ملاقات میں کسی بھی سیاسی حریف کی کوئی ایسی بات نہیں کی جس سے اس کی شخصیت پر حرف آتا ہو بلکہ ہمارے کریدنے پر اس نے ہر آدمی کی اچھائی ہی بیان کی جب کہ ہم سوچ رہے تھے سیاسی یا نظریاتی اختلاف کی بنا پر کسی ایک کا دامن داغ دار کریں گے لیکن آپ اسے ہماری کم ظرفی کہہ لیں کے ہم ایک ایسے آدمی سے ایسی امید کیے بیٹھے تھے جو ہر قسم کے بغض و عناد سے مبرّا ہے ۔  سیاسی اتار چڑھاؤ کے  پیشِ نظر ہم نے جب یہ کہا آپ کے بہت سے عزیز و اقارب کسی دوسری جماعت میں شمولیت اختیار کر رہیں ہیں تو ایسے حالات میں آپ کا کیا خیال ہے ۔ بھرے بھرے سے پیوٹے اٹھا کر کہنے لگے ہر کسی کو حق حاصل ہے کہ وہ اپنی پسند کی پارٹی میں جائے ،بس اس میں اس چیز کو مدنظر رکھنا چاہیے کہ ملکی معیشت اور سالمیت پر آنچ نہ آئے۔ ہم نے سوال دھراتے ہوئے کہا ہمارا سوال یہ تھا کہنے لگے میں سمجھتا ہوں کہ آپ کیا پوچھنا چاہتے ہیں تو سنییے اس وقت تک میرے قریبی عزیز و اقارب میرے ساتھ ہیں اگر کل ایسا وقت آ بھی جائے کہ یہ بھی مجھے اکیلا چھوڑ جائیں تو تب بھی میں اپنامشن نہیں چھوڑوں گا، ان کا جواب سن کر جب ہم نے وجہ معلوم کرنا چاہی تو کہنے لگے اسے ہماری وفا کہہ لیں اور وہ بھی مطلوب انقلابی کے کفن سے کیوں کہ مطلوب انقلابی ہی ایسا لیڈر تھا جس نے طبقاتی نظام کے بجائے نظریات پر سیاست کی ہے اور اس کا نظریہ بھائی چارے کو فروغ دینا تھا بھلا ایسے درویش منش انسان کے نظریے سے کون منحرف ہو سکتا ہے ۔
ہاں جی یہ سچے جذبوں کا امین میرےدل کامکین جناب خرم جمال شاھدتھا جس کی بنفس نفیس ہم سے پہلی ملاقات تھی لیکن اثرات برسوں کے لیے مرتب کر گئی انکےلیے ہم اتنا ہی کہہ سکے کہ خدا سدا کے لیے ارادوں میں استقامت بخشے۔

نوجوانان توحید وسنت نیلم کےترجمان کی حیثیت سے میں اورمیری پوری ٹیم آپ کےلیے دعاء گوہیں کہ مولاکریم قدم بقدم کامیاب وکامران سرفرازو سربلند فرمائے(آمین)

مقصود احمد شاہین
شاھین قلم سے✍🏻