دیہاتی سیاست

دیہاتی سیاست
تحریر :   انجینئر محمد صدیق شاذؔ

ہر علاقے تے ہر ملک بچ اچھے برے لوگ موجود ہوندے ہن اسی طرح استے علاقے بچ بھی اچھے تے برے لوگ موجود ہن ۔۔۔۔۔۔چونکہ اے ہک نظامِ دنیا ہے ۔۔۔۔۔۔دکھو ہک ما چار پُتراں نوں جنم دیندی ہے لیکن او چاراں دے چار ہک ذہن نی رکھدے اسی طرح ہر علاقے دے اندر سارے لوگ برابر ذہانت نی رکھدے میں اپڑیں علاقے نیلم دی گل کراں جتھے  سیاست دے مختلف نقوش عیاں ہن مطلب سیاست دے مختلف ٹولے بنڑیں دے ہن اے سارے ٹولے زیادہ تر ان پڑھ تے مفاد پرست ہن ۔۔۔۔۔۔اناں دی سیاست  صرف پانڑیں دے پائپاں تے آکے ختم ہوندی اے اے او سیاسی ٹولہ ہے جیڑا ہر گراں بچ لمردار یاوڈیرے بنڑ کے لوکاں نوں چُونا لاندِن تے ان توں بڑا ٹولہ او اے جیڑا ایواناں بچ بے کے ان وڈیریاں نوں چونا لاندن مطلب ووٹ دینڑ والا کھاوے خسماں نوں اناں دا کم چلدے ۔۔۔۔۔۔ستر سالاں تو زائد عرصہ گزر گیا کوئی تبدیلی نی آئی ۔۔۔۔۔۔ اس دی اصل وجہ جیڑی میں دیکھی او آسی تعلیم دی کمی ۔۔۔۔۔۔ لیکن ہنڑ چند سالاں توں نوجواناں ویچ ہک جوش ابھر دا نظر آریا اے ۔۔۔۔۔۔۔اے جوش دلانڑ والیاں ہستیاں ماواں ہن میں اج نیلم دیاں ساریاں ماواں نو مبارکباد پیش کرداں کہ جناں انڈے ویچ کے جناں اپڑیں چاندے دے ہار ویچ کے اپڑیں بچے پڑھائے یقین منو ماواں دا بہت بڑا کردار اے توساں نوں  شاہد اے انڈیاں والی گل کوڑی لگے لیکن میں اپڑیں زندہ مثال دیندا 2013 ویچ استے گھر دے حالات بوں پتلے ہو گئے اناں دناں آسیں چار  بھائی  زیر تعلیم آسیاں تے کمانڑ والا ہک والد صاحب آسے خرچے پورے ناں ہوندے آسے مڑی ماؤ مڑی اکھاں دے سانمڑیں انڈے تے دیسی بانگی بیچ کے استی فیساں پوریاں کیتی ہن اے ہو جے کم صرف مڑی ہی ماؤ نی کیتے نیلم ویلی دے ہر بچے دی ماؤ پاپڑ بیلے دے ہن تے اج اس گل دی خوشی ہو ری اے کہ ماواں نے اس دا صلہ ملن لگا ۔۔۔۔۔ویکھو ماواں انپڑ آسِیاں لیکن اناں اپڑاں فرض ادا کیتا اے ہنڑ وقت اے بیداری دا سارے نوجوان ہک پلیٹ فارم تے جمع ہو کے اے  بار دے آئے سیاسی چمچیاں دا قلیادان کرو ۔۔۔۔لیڈر اساں بیچ  موجود ہن پر تلاش کرن دی ضرورت اے ۔۔۔۔۔۔ مکو اس واری بے حد خوشی ہوای کہ نیلم دا فرزند نوجواناں دا سجا بازوں اس بار الیکشن واسطے کھڑا ہویا یقین منو کہ دل کردے بس موجواناں دی بیداری واسطے روز تحریراں تے نغمے  لکھاں ۔۔۔۔۔۔  براؤ تے بینڑو اگر توساں سارے چاندے او کہ اے سیاسی ٹولے رفو ہون تے توساں نوں  مڑی گزارش اے کہ اس واری دل کھول کے نوجوان لیڈر جناب خرم جمام شاہد صاحب اُناں نال ٹرو اناں دی مضبوطی توساں نوجوان بینڑ برا ہو گلا بندا کوئی معنی نی رکھدا ۔۔۔۔۔۔ مکو امید ہے کہ اتنی بڑی تحریر پڑن توں بعد توساں اس واری استا مکمل ساتھ دیسو ۔۔۔۔۔اللہ تعالیٰ  ساریاں نوں ہمت جذبہ تے بہتر سوج بوجھ عطا فرماوے۔۔۔۔دیو اجازت ۔۔۔۔۔
        رب دے حوالے